Գիտակրթական ակադեմիա, թանգարան - լաբորատորիա

Գիտակրթական ակադեմիայի նպատակն է կրթել սերունդներին՝ սեր սերմանել առ բնագիտական առարկաները՝ կարևորելով վաղվա սերնդի գիտատեխնիկական կրթության ապահովումը:

Այս ծրագրի շրջանակում նախատեսում ենք կառուցել ֆիզիկայի, քիմիայի և կենսաբանության բնագավառներին առնչվող թանգարան-լաբորատորիաներ, որոնց միջոցով երեխաները, ուսանողները հնարավորություն կունենան տեղում տեսնելու և մասնակցելու հայտնի գիտնականների կատարած փորձերին և ապրելու հայտնագործությունների, գյուտերի հեղինակների զգացումները:

• Թանգարան-լաբորատորիայի շենքի կառուցվածքը նման է մարդկության մտքի անցած էվոլուցիայի ճանապարհին: Մտնելով շենք` մարդն անցնում է գիտական մտքի զարգացման ճանապարհով, հերթով տեսնում և մասնակցում կարևոր առաջընթաց ապահոված փորձերին:
• Թանգարան-լաբորատորիան արտացոլում է տվյալ ժամանակի միջավայրը, որն այցելուի մոտ ստեղծում է լիակատար պատկերացում կատարված հայտնագործության պայմանների վերաբերյալ:
• Թանգարան-լաբորատորիայում փորձերը ներկայացված են լինելու օրիգինալ սարքերի կրկնօրինակների միջոցով, ճիշտ նույն կերպ, ինչպես գիտնականը մտածել և իրագործել է իր ժամանակաշրջանում:
• Թանգարան-լաբորատորիայի շենքի կառուցվածքը լինելու է Բաբելոնյան աշտարակ հիշեցնող ժամանակակից կառույց, որը արտահայտելու է մարդկության մտքի ձգտումը դեպի կատարելություն` աստվածային արարչագործություն:
• Թանգարան-լաբորատորիայի շենքը միշտ անավարտ է` այն անընդհատ կառուցվում է: Նույն կերպ՝ մարդկային մտքի զարգացումն է անավարտ, շարունակելի…